Jasotako dohaintza pribatuak

EAJ-PNVK dohaintza pribatuak jaso ahal ditu indarrean dagoen araudiaren arabera ( 8/2007 Lege Organikoaren, uztailaren 4koa, Alderdi Politikoen Finantzaketari buruzkoaren 2,4 eta 5 artikuluak eta 3/2015eko Lege Organikoaren, martxoaren 30koa, Alderdi Politikoen Jarduera Ekonomiko-Finantzarioa Kontrolatzeari buruzkoaren 1. artikulua)

Dohaintza pribatuak dira finantzaketa pribatutik eratorritako EAJ-PNVren baliabideen parte bat, herri kargudunen ekarpenekin, alderdikideen kuotekin eta ondarea kudeatzetik eta ekitaldiak antolatzetik erator daitezkeen beste sarrerekin batera.

Dena dela, EAJ-PNVk ezin du,zuzenean edo zeharka, edonolako dohaintzarik jaso. Muga batzuk daude dohaintzak jasotzeko orduan:

• Ezin da dohaintza anonimorik jaso.
• Ezin da helburu zehatza duten dohaintzarik jaso , hau da, jasoko diren dohaintzak ezin izango dira helburu zehatzetara bideratu.
• Ezin dira itzuli beharko diren dohaintzak jaso.
• Pertsona batek ezin ditu urtean 50.000 eurotik gorako dohaintzarik egin.
• Ezin dira jaso pertsona juridikoen edo izaera juridikorik gabeko erakundeen dohaintzarik jaso.